Սրբազան շարժման մեծ հավաքը տեղի կունենա սեպտեմբերի 22-ին. համալիրը համաձայնել է դահլիճ տրամադրել

Սրբազան պայքարի մեծ հանրահավաքը տեղափոխվել է սեպտեմբերի 22-ին։

Ավելի վաղ ArmLur.am-ը գրել էր, որ «Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանը սեպտեմբերի սկզբին մեծ հանդիպում-միջոցառում էր նախատեսել, որից հետո պետք է տրվեր պայքարի լայն մեկնարկը:

Կարեն Դեմիրճյանի անվան մարզահամերգային համալիրի տնօրինությունը, սակայն, հրաժարվել է շարժման նախանշած օրերին մեծ դահլիճ տրամադրել միջոցառման համար՝ պատճառաբանելով, որ այդ օրը միջոցառումներ կան նախապես ծրագրված։

ArmLur.am-ին հայտնի դարձավ, որ բանակցություններից հետո համալիրը ի վերոջ համաձայնել է սեպտեմբերի 22-ին մեծ դահլիճ տրամադրել ընդդիմադիր շարժմանը, ուստի մեծ հավաքը կկայանա այդ օրը։

Քրիստինա Մուշեղյան