Արտաքին գործերի նախարարության նախաձեռնությամբ Հայաստանի Հանրապետությունը վարձակալությամբ Սուրբ Աթոռին է տրամադրում Հայաստանի Հանրապետության սեփականություն հանդիսացող Երևան, Բաղրամյան 12 հասցեում գտնվող անշարժ գույքն իննսունինը տարի ժամկետով և տարեկան 1 ԱՄՆ դոլար վարձավճարով։
Վաղը՝ օգոստոսի 5-ին, կայանալիք Կառավարության նիստում Արարատ Միրզոյանը հաստատման կներկայացնի այս նախագիծը։
Նախագծում ասվում է․
«Հայաստանի հարաբերությունները Սուրբ Աթոռի հետ մշտապես աչքի են ընկել բարձր մակարդակի քաղաքական երկխոսությամբ և հիմնված են ոչ միայն քրիստոնեական արժեքների, ընդհանուր պատմական և հոգևոր ժառանգության, այլև արդի միջազգային հիմնախնդիրների հանդեպ ունեցած նույնական մոտեցումների վրա»։
Հարկ է նկատել, որ անգամ Կառավարության օրակարգում ներառված հարցի հիմնավորումում, գործադիրը հնարավորությունը բաց չի թողել հիշեցնելու և ընդգծելու եկեղեցու կողմից քաղաքական հայտարարություններով։
Էմմա Միքայելյան
.gif)
