Բազմաթիվ ճանապարհներ դեռ փակ են

Հայաստանի ԱԻ նախարարությունը տեղեկացնում է, որ մարտի 31-ի ժամը 14.00-ի դրությամբ ՀՀ տարածքում կան փակ եւ դժվարանցանելի ավտոճանապարհներ:

Դժվարանցանելի են բոլոր միջհամայնքային եւ համայնքային ավտոճանապարհները, Արագածոտնի մարզի Ծիլքար-Սպիտակ, Ալագյազ-Արթիկ, Արարատի մարզի Տիգրանաշեն-Զանգակատուն (Քյարքիի ոլորանները), Շաղափ, Լանջանիստ, Ուրցալանջ, Վարդաշատ գյուղերի ավտոճանապարհները, Գեղարքունիքի մարզի բոլոր միջպետական եւ միջհամայնքային ավտոճանապարհները, Շիրակի մարզի Կրաշեն գյուղի ավտոճանապարհները, Լոռու մարզի Վանաձոր-Ալավերդի, Սպիտակի ոլորաններ, Ջիլիզ, Շամլուղ, Ծաղկաշատ գյուղերի, Սյունիքի մարզի Մեղրի-Քաջարան, Վայոց ձորի մարզի Վայք-Սարավան, Տավուշի մարզի Բերդ-Իջեւան ավտոճանապարհները եւ Դիլիջանի ոլորանները:

Փակ են Սոտք-Քարվաճառ, Բերդ-Ճամբարակ, Սարալանջ-Հանքավան ավտոճանապարհները, Կոտայքի մարզի Արտավազ, Զառ, Նուռնուս եւ Բջնի գյուղերի համայնքային ճանապարհահատվածները եւ Վարդենյաց լեռնանցքը:

Նոր Նորքի վարչական շրջանի I-ին զանգվածում առկա է մերկասառույց:

Հանրապետության տարածքում տեղ-տեղ առկա է բուք, մառախուղ եւ ցածր տեսանելիություն:

Վարորդներին խորհուրդ է տրվում վերը նշված ավտոճանապարհներով երթեւեկել միայն խիստ անհրաժեշտության դեպքում` ձմեռային անվադողերով:

Վրաստանի ՆԳՆ ԱԻ դեպարտամենտից ստացված տեղեկատվության համաձայն` Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար:

ԿԱՐԴԱՑԵՔ ՆԱԵՎ

Նման նյութեր