ՏԵՍԱՆՅՈՒԹ․ Սիսիանում զինվորին նվաստացնելու, ճնշելու, կյանքից զրկելու դեպքով նոր մեղադրյալներ են սպասվում

Սիսիանում զինվորին նվաստացնելու, ճնշելու դեպքից հետո զորամասում ուշագրավ բացահայտումներ են եղել ու առաջիկայում այս գործով այլ մեղադրյալներ են սպասվում։

Սեպտեմբերի 2-ին՝ ժամը 10:10-ի սահմաններում, ՀՀ ՊՆ N զորամասի պահպանության գոտու մարտական դիրքում հայտնաբերվել էր զինծառայող Էդգար Ալեքսանյանի դին՝ կզակի շրջանում հրազենային վնասվածքով։

ArmLur.am-ն ավելի վաղ գրել էր․ «Քննչական կոմիտեն հայտնեց, որ ՀՀ ՊՆ N զորամասի պարտադիր ժամկետային զինծառայող Հ․ Ե․-ն, տվյալ մարտական դիրքում որպես դիտորդ ընդգրկված լինելով մարտական հերթապահության, 2024թ․ օգոստոսի 27-ից մինչև սեպտեմբերի 2-ն ընկած ժամանակահատվածում տարբեր օրերի անձնակազմի ներկայությամբ պարբերաբար նվաստացրել է նույն մարտական դիրքում որպես դիտորդ ծառայության ընդգրկված զինծառայող Է․ Ալեքսանյանի անձնական պատիվն ու արժանապատվությունը, հնչեցրել հայհոյանքներ, հարվածել։

Է. Ալեքսանյանը, հայտնվելով անելանելի վիճակում, 2024թ-ի սեպտեմբերի 2-ին՝ ժամը 09:45-ի սահմաններում, նույն մարտական դիրքում դիտորդի պարտականությունները կատարելու ընթացքում «ԱԿՄ» տեսակի ինքնաձիգով մեկ կրակոց է արձակել կզակի շրջանում և ինքնասպան եղել:

Իսկ թե ինչի համար է նվաստացրել, նախաքննական մարմնիը չի նշել, սական ArmLur.am-ին հասած տեղեկությունների համաձայն, դիրքում քնելու թեման ու հեռախոսով խոսելու հարցը դարձել է պատճառ, որ ժամկետային զինծառայողին հասցրել են ինքնասպանության»:

Այս գործով կա մեկ կալանավորված, սակայն դեպքից հետո ուշագրավ բացահայտումներ են արվել, եւ առաջիկայում այլ մեղադրյալների մասին հայտնի կդառնա:

Մանրամասները՝ տեսանյութում։

Քնար Մանուկյան