Ռուսաստանի փոխվարչապետ Ալեքսեյ Օվերչուկը Հայաստանում լրագրողների հետ ճեպազրույցում մեկնաբանել է Հարավային Կովկասում տրանսպորտային հաղորդակցությունների ապաշրջափակման հարցը:
«Ապաշրջափակումը հնարավոր է այն պայմանավորվածությունների շրջանակում, որոնք ձեռք են բերել երեք պետության ղեկավարները և որոնք իրենց արտացոլումն են գտել 2020 թվականի նոյեմբերի 9-10-ի համատեղ հայտարարության մեջ։ Ինչպես գիտեք, Ռուսաստանը պատրաստ է միշտ միանալ այդ գործընթացին և պատրաստ է օգնել՝ ելնելով Հայաստանի ինքնիշխանության, տարածքային ամբողջականության և իրավասության սկզբունքներից», – հայտարարել է ռուս պաշտոնյան։
Անդրադառնալով Հայաստանի ու Ռուսաստանի հարաբերություններում առկա լարվածությանը՝ Օվերչուկն ասել է, որ անհրաժեշտ է տարբերակել այն, ինչ տեղի է ունենում իրական աշխարհում և այն, ինչ ներկայացվում է տեղեկատվական դաշտում:
.gif)
