Այսօրվանից ուժի մեջ մտած ՍԴ օրենքում կատարված փոփոխությունները թույլ են տալիս ՍԴ 1087.1 հոդվածի վերաբերյալ որոշումից հետո բողոքարկել անգամ լրատվամիջոցների նկատմամբ ուժի մեջ մտած դատական ակտերը: Բանն այն է, որ ՍԴ մասին օրենքի 69 հոդվածի 12-րդ մասը նախատեսում է, որ եթե անգամ ՍԴ-ն մի կողմից սահմանադրական է ճանաչել օրենքի վիճարկվող դրույթը, բայց նաեւ իր որոշման մեջ տվել է օրենքի մեկնաբանությունները, նշել` ինչպես պետք է այն կիրառել, նոր հանգամանքների ի հայտ գալու հիմքով վճիռը հնարավոր է բողոքարկել: Տվյալ դեպքում լրատվամիջոցները կարող են դիմել Վճռաբեկ դատարան: