
ՆԱՏՕ-ի անդամ երկրների պաշտպանության նախարարները հոկտեմբերի 17-18-ը Բրյուսելում հանդիպում կունենան։ Այս մասին հայտնում է դաշինքի մամուլի ծառայությունը։
«ՆԱՏՕ-ի պաշտպանության նախարարները կհանդիպեն 2024 թվականի հոկտեմբերի 17-ին և 18-ին Բրյուսելում գտնվող ՆԱՏՕ-ի կենտրոնակայանում: Նիստը կնախագահի ՆԱՏՕ-ի գլխավոր քարտուղարը»,- ասվում է հաղորդագրության մեջ:
Սա կլինի առաջին հանդիպումը, որը կգլխավորի ՆԱՏՕ-ի նոր գլխավոր քարտուղար Մարկ Ռյուտեն, ով աշխատանքը պետք է սկսի հոկտեմբերի 1-ին։