Սոմալին միացել է Ատոմային էներգիայի միջազգային գործակալությանը (ՄԱԳԱՏԷ)՝ դառնալով կազմակերպության 179-րդ անդամը։ Մուտքը տեղի է ունեցել Վիեննայում ՄԱԳԱՏԷ-ի 68-րդ համաժողովի շրջանակներում։
«Սա պատմական պահ է Սոմալիի համար, որը խորհրդանշում է մեր խորը նվիրվածությունը միջազգային համագործակցությանը, խաղաղությանը և առաջադեմ տեխնոլոգիաների պատասխանատու օգտագործմանը՝ ի շահ մեր ժողովրդի»,-ասված է Սոմալիի դաշնային կառավարության կողմից այս առիթով տարածված հայտարարության մեջ։
Սոմալիի կառավարությունն ընդգծել է, որ միջուկային տեխնոլոգիան, երբ օգտագործվում է խաղաղ ճանապարհով, հսկայական ներուժ է առաջարկում բազմաթիվ խնդիրներ լուծելու համար՝ առողջապահության և գյուղատնտեսության բարելավումից մինչև բնական ռեսուրսների ավելի արդյունավետ կառավարում և կլիմայի փոփոխության նկատմամբ դիմադրողականության բարձրացում:
«Միանալով ՄԱԳԱՏԷ-ին՝ Սոմալին ձգտում է անվտանգ, հուսալի և կայուն կերպով օգտագործել միջուկային տեխնոլոգիաների առավելությունները և լիովին համապատասխանել միջազգային չափանիշներին և կանոնակարգերին»,-ասվում է հայտարարության մեջ:
.gif)
