Արթուր Ալեքսանյանի բողոքարկման հարցը հետաձգվել է. ինչն է պատճառը

Ֆրանսիայում ընթացող Օլիմպիական խաղերում արծաթե մեդալ նվաճած հունահռոմեական ոճի ըմբիշ Արթուր Ալեքսանյանը (97 կգ) Փարիզում ասել էր, որ կբողոքարկի եզրափակիչ հանդիպումը։ Նա դժգոհ է մրցակցությունից, որն իրեն զրկել է ոսկուց:

Արթուր Ալեքսանյանն իր թիմի հետ դիմել էր Լոզանի դատարան, և սպասում են պատասխանի:

Ինչպես ArmLur.am-ը գրել էր՝ դատարանը մինչև սեպտեմբերի 19-ն է ժամանակ տվել երկու կողմերին կարծքիներ և բացատրություններ ներկայացնելու համար:

Արդեն հոկտեմբեր ամիսն ենք և դեռ հրապարակավ որևէ նորություն չի եղել:

ArmLur.am-ը կապ հաստատեց Արթուր Ալեքսանյանի հոր՝ Գևորգ Ալեքսանյանի հետ՝ մանրամասներ իմանալու նպատակով, վերջինս ասաց, որ որոշումը երկարաձգվել է մինչև հոկտեմբերի 10-ը:

Հավելյալ ժամանակ է խնդրել Աշխարհի միջազգային ըմբշամարտի ֆեդերացիան՝ նախապատրաստվելու համար:

Էմմա Մարտիրոսյան