ՄՌՈւ-ներում վարորդական վկայականի պլաստիկի դեֆիցիտ է. սպասել պետք է մեկ ամիս

Հայաստանում պլաստիկը դարձել է «սև աղվես» և՛ անձնագրայիններում, և՛ ՄՌՈւ-ներում։

ArmLur.am-ը տեղեկացավ, որ Հայաստանում վերջերս Հաշվառման-քննական ստորաբաժանումներ դարձած ՄՌՈւ-ներում պլաստիկի դեֆիցիտի պատճառով վարորդական վկայականների տրամադրումը գրեթե մեկ ամիս ձգվում է։

Այսինքն, եթե առաջ քննությունից հետո մի քանի ժամվա ընթացքում միանգամից պլաստիկից վարորդական վկայական էիր ստանում, այժմ պետք է սպասես օրերով։

Նույն խնդիրն է նաև ՀՀ Անձնագրային ստորաբաժանումներում, որտեղ ID-ի քարտ ստանալը պատուհաս է դառնում քաղաքացիների գլխին։ ID ստանալու համար էլ անհրաժեշտ է լինում սպասել 21 օր՝ 15 աշխատանքայի օր։

ArmLur.am-ին ՆԳՆ-ից հայտնեցին, որ այո’, նման խնդիր կա, այն առաջիկայում կլուծվի։