Ի՞նչ է սպասվում այսօրվա ակցիաների ժամանակ

Այսօր COP29-ին ընդառաջ Հայաստանում տարբեր գրասենյակների առաջ ակցիաներ են իրականանալու։

Ակցիաները կիրականանան ՄԱԿ-ի հայաստանյան գրասենյակի, ՀՀ ԱԳՆ շենքի, ՀՀ-ում Ռուսաստանի Դաշնության, Ֆրանսիական Հանրապետության և Ամերիկայի Միացյալ Նահանգների դեսպանատների առաջ։

Նշենք, որ ակցիաները մեկնարկելու են ՄԱԿ-ի հայաստանյան գրասենյակի շենքի բակից։

Հավելենք նաև, որ ակցիաները կսկսեն ժամը 11։00-ից։

Հարկ է նշել, որ 2024 թվականի նոյեմբեր ամսին Ադրբեջանում կայանալիք ՄԱԿ-ի Կլիմայի փոփոխության համաժողովին (COP29) ընդառաջ աշխարհի տարբեր երկրներում նույնպես մեկնարկել են ակցիաներ՝ Ադրբեջանում ապօրինաբար պահվող հայ ռազմագերիների և պատանդների անհապաղ ազատ արձակման պահանջով։

Աննա Սրապիոնյան