COP-ը Կլիմայի փոփոխության մասին ՄԱԿ-ի շրջանակային կոնվենցիայի (UNFCCC) միջազգային հանդիպում է, որը կենտրոնանում է կլիմայի վրա:
COP-ը ՄԱԿ-ի շրջանակային կոնվենցիայի հիմնական որոշումներ կայացնող մարմինն է: Այն ներառում է բոլոր «Կուսակցությունների» ներկայացուցիչներ, այսինքն` երկրներ, որոնք համաձայնել են մասնակցել և պարտավորված լինել ՄԱԿ-ի Կլիմայի փոփոխության մասին շրջանակային կոնվենցիային:
ՄԱԿ-ի շրջանակային կոնվենցիայի COP-ը տեղի է ունենում ամեն տարի և հնարավորություն է բանակցելու նոր միջոցառումների շուրջ և վերանայելու կողմերի առաջընթացը՝ ընդդեմ Կլիմայի փոփոխությունը սահմանափակելու ընդհանուր նպատակի:
Ընդհանուր առմամբ, յուրաքանչյուր COP համաձայնում է հայտարարության կամ պարտադիր համաձայնագրի հետ, որը հրապարակվում է համաժողովի վերջում: 2023 թվականին COP28-ում Կողմերը համաձայնել են ԱՄԷ-ի կոնսենսուսին:
Այնուամենայնիվ, COP-ը կարող է անդրադառնալ նաև պայմանագրային այլ մարմինների կառավարման ժողովներին: Բացի ՄԱԿ-ի շրջանակային կոնվենցիայի COP29-ից, կան նաև երկու այլ կարևոր բնապահպանական COP-եր, որոնք տեղի են ունենում 2024 թվականին Բաքվում։
Հայաստանը, համաձայն 2015 թվականին ՄԱԿ-ի աղետների ռիսկերի նվազեցման գրասենյակի տրամադրած տվյալների, ամեն տարի միջինում կլիմայի փոփոխության արդյունքում ունենում է 66,42 մլն ԱՄՆ դոլար կորուստ։
Ասիայում կլիմայի փոփոխության պատճառով ամենաշտ կորուստները գրանցում է Պակիստանը 1 մլրդ 327 մլն ԱՄՆ դոլարի չափով, ապա հաջորդում է Ղազախստանը՝ 865․07 մլն ԱՄՆ դոլար։
Վերակառուցման և զարգացման բանկի տվյալներով դեպի ծով ելք չունեցող լեռնային երկիր լինելով՝ Հայաստանը կլիմայի փոփոխության տեսանկյունից ամենախոցելի երկրների շարքում է։ Հայաստանի համար կլիմայի փոփոխությամբ պայմանավորված ազդեցությունները, օրինակ` երաշտները, սողանքները, սելավները, եղանակային
ծայրահեղ պայմանները, նշանակում են, որ կլիմայի փոփոխության հարմարվողականությունը երկրի համար առաջնահերթություն է։
Այս տարի, ինչպես նշեցինք արդեն, COP29-ը նշվելու է Բաքվում։ Հայաստանի իշխանությունների կողմից դեռ հստակ պատասխան չկա՝ համաժողովին ՀՀ վարչապետ Նիկոլ Փաշինյա՞նն է մասնակցելու, թե՞ ԱԳ նախարար Արարատ Միրզոյանը, նաև հստակ չէ արդյոք առհասարակ կմասնակցեն, թե՝ ոչ։
Էմմա Միքայելյան
.gif)
