ՏԵՍԱՆՅՈՒԹ․ Սադրանքներ, տհաճ ռեպլիկներ, վիրավորանքներ՝ կին պատգամավորներին․ Ալեն Սիմոնյանի պահվածքը՝ ԱԺ նիստերին

ԱԺ նախագահ Ալեն Սիմոնյանը երեկ լրագրողների հետ զրույցում գլուխ էր գովում, թե իրեն հաջողվում է ԱԺ նիստերը լավ վարել և վիճաբանությունների դեպքում կարողանում է հարթել իրավիճակը։

Ավելին, Ալեն Սիմոնյանը վստահեցրեց, որ ՔԿ ղեկավարի և իշխանական պատգամավորների վիճաբանության օրը, եթե ինքը լիներ ԱԺ նիստերի դահլիճում, նման միջադեպ չէր լինի։

Բայց արի ու տես, որ ԱԺ վիճաբանություններում մեծամասամբ հենց Ալեն Սիմոնյանն է սադրում իրավիճակը՝ իրեն հատուկ ոչ պատշաճ հայտարարություններով և բառապաշարով։

Հերթական դեպքն արձանագրվեց հենց երեկ։

Ամեն բան սկսվեց այնտեղից, երբ «Հայաստան» խմբակցության պատգամավոր Քրիստինե Վարդանյանի ելույթից հետո Սիմոնյանը հերթական անգամ ռեպլիկ թողեց, ինչից հետո լարվեց իրավիճակը, և Սիմոնյանը կոպիտ արտահայտություններով վիրավորեց ընդդիմադիր կին պատգամավորներին։

Ահա այսպես է Ալեն Սիմոնյանին հաջողվում վարել նիստերը՝ սադրելով, տգեղ ռեպլիկներ թողնելով և անգամ կին պատգամավորների հասցեին վիրավորական արտահայտություններ անելով։

Մանրամասները՝ տեսանյութում։