ՔՊ վարչությունում թեժ է. դեռ նախարար չեն ընտրել. նիստ է ընթանում

ArmLur.am-ը գրել էր, որ իշխող «Քաղաքացիական պայմանագիր» խմբակցությունն այսօր վարչության նիստ կանի:

Իշխանականները պետք է կրկին Արդարադատության նախարար ընտրեն:

ArmLur.am-ի տեղեկություններով՝ վարչության նիստը թեժ է անցնում. մոտ 3 ժամ է չի ավարտվում: Այսօր հայտնի դարձավ, որ թեկնածուներից է նաև Միջազգային իրավական հարցերով ներկայացուցիչ Եղիշե Կիրակոսյանը, որը, կարծես թե, Նիկոլ Փաշինյանի «սրտի» թեկնածուն է: Բայց այս պահին դեռևս այդ պահով էլ որոշում չկա:

Արդյոք այսօր պարզ կլինի Արդարադատության նախարարի պաշտոնը զբաղեցնող անձի անունը, դեռ հայտնի չէ:

Ինչպես արդեն հայտնել էինք՝ «Քաղաքացիական պայմանագիր» պայմանագիր կուսակցությունը Արդարադատության նախարարի երկու նոր թեկնածու է դիտարկում:
Նրանք են՝ Ներքին գործերի նախարարի տեղակալ Արփինե Սարգսյանը եւ «Հայաստանի մանուկներ» հիմնադրամի գործադիր տնօրեն Լիանա Ղալթաղչյանը։

Վերջինս հեղափոխությունից հետո՝ 2018-2021 թվականներին, վարչապետի աշխատակազմի այդ ժամանակվա ղեկավար Էդուարդ Աղաջանյանի տեղակալի պաշտոնն է զբաղեցրել:

Նշենք, որ «Քաղաքացիական պայմանագիր» կուսակցությունն արդեն շուրջ մեկ ամիս է՝ չի կարողանում Արդարադատության նոր նախարար ընտրել։ ՔՊ Վարչությունը երկու անգամ նիստ է արել, որպեսզի նոր նախարար ընտրի, սակայն՝ ապարդյուն, բոլոր թեկնածուներին մերժել է:

Նախարարի հիմնական թեկնածուները ՔՊ խմբակցության պատգամավորներ Արփի Դավոյանը եւ Արմեն Խաչատրյանն են եղել, որոնց լոբբինգով զբաղվել է ՔՊ խմբակցության պատգամավոր Անդրանիկ Քոչարյանը։ ՔՊ վարչությունը, սակայն, մերժել էր երկու թեկնածուներին էլ:

Հիմա, փաստորեն, ՔՊ-ն նախարար է փնտրում կուսակցությունից դուրս: