Ռուսաստանի և Հյուսիսային Կորեայի ԱԳ նախարարները Մոսկվայում բանակցություններ կվարեն

Հյուսիսային Կորեայի արտաքին գործերի նախարար Ցոյ Ցոն Հին կորեական պատվիրակության հետ պաշտոնական այցով ժամանել է Մոսկվա:

Այս մասին հայտնում է ՌԻԱ Նովոստին՝ հղում կատարելով սեփական դիվանագիտական աղբյուրներին։

Վերջիններիս փոխանցմամբ՝ Մոսկվա ժամանած Հյուսիսային Կորեայի արտաքին գործերի նախարարի ու Ռուսաստանի Դաշնության արտաքին գործերի նախարար Սերգեյ Լավրովի միջև ավելի ուշ նախատեսված են բանակցություններ։