Ռեքս Կալամյանը չի մարզի բասկետբոլի ընտրանուն Ավստրիայի դեմ առաջիկա խաղում

Հայաստանի բասկետբոլի հավաքականին առաջիկա խաղի համար կմարզի Գեորգի Ղազանչյանը:

Այս մասին հայտնում է Հայաստանի բասկետբոլի ֆեդերացիան: Հայաստանի ազգային հավաքականի գլխավոր մարզիչ Ռեքս Կալամյանը NBA-ում ունեցած զբաղվածության պատճառով չի օգնի թիմին  նոյեմբերի 24-ին կայանալիք Հայաստան – Ավստրիա խաղում: Հավաքականը հանդես կգա Գեորգի Ղազանչյանի գլխավորությամբ:  Գեորգի Ղազանչյանը նաև Հայաստանի մինչև 20 տարեկանների հավաքականի գլխավոր մարզիչն է, որի հետ թիմը մասնակցել է 2024 թվականի Եվրոպայի B դիվիզիոնի առաջնությանը։

Հայաստանի ազգային հավաքականը ուսումնամարզական հավաքը կսկսի նոյեմբերի 15-ից՝ պատրաստվելով հանդիպմանը։