ՈւԵՖԱ-ն շրջաբերական է հրապարակել 2026 թվականի աշխարհի առաջնության Եվրոպայի ընտրական գոտու վիճակահանությունից առաջ, հայտնում է Sport24-ը:
Ռուսական աղբյուրը տեղեկացնում է, որ ըստ շրջաբերականի` Ռուսաստանի ազգային հավաքականը չի մասնակցի ընտրական մրցաշարին: Մունդիալի ուղեգրերի համար Եվրոպայից կպայքարեն 54 երկրի հավաքականներ:
Դեկտեմբերի 13-ին կայանալիք վիճակահանությունից հետո ՈւԵՖԱ-ն կհրապարակի Եվրոպայի ընտրական գոտու բոլոր 192 հանդիպումների անցկացման ժամկետները:
Կձևավորվի 12 խումբ, 6-ում կլինի 5-ական հավաքական, մյուս 6-ում` չորսական:
Ռուսաստանի հավաքականը 2022 թվականից պաշտոնական խաղեր չի անցկացնում: ՖԻՖԱ-ն ու ՈւԵՖԱ-ն Ուկրաինայի դեմ շարունակվող պատերազմի պատճառով այս երկրին զրկել են խոշոր մրցաշարերի մասնակցելու իրավունքից:
.gif)
