ՏԵՍԱՆՅՈՒԹ․ Գյումրին՝ ընտրությունների նախաշեմին․ Նիկոլ Փաշինյանի հայտարարությունից հետո ՔՊ-ականներն առաջադրվում են

Գյումրիում մեկնարկել են նախնական ընտրությունները, կամ այսպես ասած՝ փրայմերիզը, որոնց արդյունքներով որոշվելու է քաղաքապետի ժամանակավոր պաշտոնակատարի թեկնածուն։

ՔՊ-ականները Նիկոլ Փաշինյանի հայտարարությունից հետո սկսել են ինքնաառաջադրվել ժամանակավոր պաշտոնակատարի նշանակման համար։

Ինքնաառաջադրումների վերջնաժամկետը դեկտեմբերի 2-ն է, իսկ թեկնածուների վերջնական ցուցակը կհրապարակվի դեկտեմբերի 3-ին։

Կարող են ինքնաառաջադրվել ՔՊ անդամ, համակիր կամ համախոհ հանդիսացող անձինք։

Թեկնածուների գրանցումը և ընտրությունների ողջ գործընթացը կիրականացնի «Քաղաքացիական պայմանագիր» կուսակցության վարչությունը։

Գյումրիի փրայմերիզին մտադիր են առաջադրվել նախկին փոխքաղաքապետ Վահագն Մկրտչյանը, ով վարչապետի տիկնոջ՝ Աննա Հակոբյանի ազգականն է, ՔՊ խմբակցության պատգամավոր Դավիթ Առուշանյանը ArmLur.am-ի հետ զրույցում հայտարարել է, որ հակված է առաջադրվել, բայց իր վերջնական որոշման մասին կհայտնի քննարկումներից հետո։ ՔՊ-ական Կարեն Սարուխանյանը, ում թեկնածությունը ՔՊ-ն թմրանյութի թեստի սկանդալից հետո մերժեց, ArmLur.am-ի հետ զրույցում նշեց՝ դեռ որոշում չունի՝ կմասնակցի ԺՊ-ի ընտրություններին։

Նշենք, որ ընտրված ԺՊ-ն արդեն համայնքապետի ընտրություններում լինելու է ՔՊ-ի թեկնածուն։

Մանրամասները՝ տեսանյութում։

Քրիստինա Մուշեղյան