Միացյալ Նահանգները դադարեցրել է իր ռազմավարական գործընկերությունը Վրաստանի հետ, այս մասին շաբաթ օրը հայտարարել է ԱՄՆ Պետդեպարտամենտի խոսնակ Մեթյու Միլլերը, հայտնում է sputnik-georgia.ru-ն։
Նոյեմբերի 28-ին Վրաստանի իշխանությունները որոշել են օրակարգից հանել Եվրամիությանը երկրի անդամակցության շուրջ բանակցությունների մինչև 2028 թվականը։ Սրանից հետո երկրում բողոքի ցույցեր են սկսվել։
«ԱՄՆ-ը և ԵՄ-ն ափսոսում են «Վրացական երազանքի»՝ ԵՄ անդամակցությունը դադարեցնելու որոշման համար: Մենք դատապարտում ենք չափից ավելի ուժը, որը կիրառվել է վրացիների նկատմամբ, ովքեր իրավացիորեն բողոքում են իրենց սահմանադրության դավաճանության դեմ: ԵՄ-ն պատվար է Կրեմլի դեմ: Հետևաբար, մենք դադարեցնում ենք մեր ռազմավարական գործընկերությունը Վրաստանի հետ»,- գրել է Մեթյու Միլլերը։
Վրաստանը և ԱՄՆ-ը դիվանագիտական հարաբերություններ են հաստատել 1992 թվականին։ 2009 թվականին երկրները ստորագրել են ռազմավարական գործընկերության խարտիա։
.gif)
