ԱՄՆ պետքարտուղար Էնթոնի Բլինքենը դատապարտել է Վրաստանի իշխանություններին երկրի եվրաինտեգրման կասեցման դեմ ցույցերի մասնակիցների նկատմամբ բռնության համար: Նա հայտարարել է՝ Վաշինգտոնը պատրաստ է պատժամիջոցներ սահմանել Վրաստանի իշխանության դեմ՝ ցույցերի մասնակիցներին հետապնդելու համար:
Ավելի վաղ Պետքարտուղարությունը հայտարարել էր, որ Միացյալ Նահանգները դադարեցրել է իր ռազմավարական գործընկերությունը Վրաստանի հետ՝ Եվրամիությանն անդամակցելու բանակցությունները հետաձգելու՝ Թբիլիսիի որոշման և ցուցարարների դեմ ուժի կիրառման պատճառով։
ԱՄՆ պետքարտուղարը հայտարարել է, որ «Միացյալ Նահանգները խստորեն դատապարտում է «Վրացական երազանք» կուսակցության դաժան և չարդարացված բռնությունը Վրաստանի քաղաքացիների, ցուցարարների, լրատվամիջոցների ներկայացուցիչների և ընդդիմադիր գործիչների նկատմամբ»։
Նա ընդգծել է, որ ձերբակալվածները պետք է անհապաղ ազատ արձակվեն, ուժի ապօրինի կիրառման համար պատասխանատու պաշտոնյաներն էլ պատասխանատվության ենթարկվեն:
.gif)
