Զինյալները մոտեցել են Սիրիայի Համա քաղաքին

Սիրիայի մեծությամբ չորրորդ քաղաքի ճակատագիրը հարցականի տակ է: Հալեպի հաջող գրավումից հետո գրոհայինները մոտեցել են Համա քաղաքին և պատրաստվում են գրոհել այն։ Նրանց դեմ է սիրիական բանակի էլիտար ստորաբաժանումը՝ «Վագրի ուժը», որը Բաշար Ասադի հակառակորդներին հետ է մղել քաղաքից։

«Ահաբեկչական խմբավորումները մեծ կորուստներ են կրում Համա նահանգում սիրիական զինված ուժերի դեմ մարտերում»,- հինգշաբթի հայտնել է երկրի պաշտպանության նախարարությունը։

Նշվում է նաև, որ Ռուսաստանի և Սիրիայի օդուժը ավիահարվածներ է հասցնում ահաբեկչական խմբավորումներին։ Բացի դրանից՝ սիրիական կողմն ակտիվորեն հրետանի է կիրառում։

Իրենց հերթին, տեղական լրատվամիջոցները հաղորդում են, որ զինված խմբավորումները հայտարարել են Համա քաղաքի վրա հարձակում սկսելու մասին։

Անցյալ շաբաթ Սիրիայում նրանք գրոհել էին սիրիական Իդլիբ ու Հալեպ նահանգները և կարողացել արագ վերահսկողության տակ վերցնել մի շարք բնակավայրեր։