Ե՞րբ զարդարել տոնածառն ու ի՞նչ գույներով

Ամանորը մոտենում է, և դա նշանակում է, որ շուրջբոլորը տոնական մթնոլորտ է ստեղծվելու։

ArmLur.am-ը ներկայացնում է, թե ե՞րբ պետք է զարդարել տոնածառն ու ի՞նչ գույներով։

Այսպիսով, տոնածառը զարդարելու լավագույն ժամանակը կախված է անձնական նախասիրություններից և ավանդույթներից։ Օրինակ՝ շատերը նախընտրում են տոնածառը զարդարել դեկտեմբերի սկզբին և այդպիսով էլ ստեղծել ամանորյա տրամադրություն։

Ավանդական մոտեցմամբ՝ տոնածառը զարդարվում է նաև Ամանորի նախորդող շաբաթը, մոտավորապես 20-25-ի ընթացքում։

Հայկական ավանդույթների համաձայն՝ հաճախ տոնածառը զարդարվում է դեկտեմբերի վերջին։

Հայաստանում տոնածառ զարդարելու ավանդույթները հիմնականում կապված են Նոր տարվա և Սուրբ Ծննդյան տոների հետ։

Տոնածառ զարդարելն ունի նաև ավանդական մոտեցում։

Հայկական տներում զարդարանքները հաճախ ունեն ազգային և ընտանեկան նշանակություն։

Օրինակ՝ տոնածառի վրա կախում են չամիչ, չրեր կամ մրգեր, որոնք խորհրդանշում են առատություն և բարգավաճում։ Թղթյա և ձեռագործ զարդեր պատրաստելը ևս ավանդական է՝ հատկապես ընտանիքի երեխաների մասնակցությամբ։

Հայկական մշակույթում տոնածառը հաճախ խորհրդանշում է նոր կյանք, հույս և առատություն։
Տոնածառ զարդարելու արարողությունը հաճախ վերածվում է ընտանեկան տոնի, որտեղ բոլորը հավաքվում են միասին։ Այդ ընթացքում ընտանիքները նաև սկսում են պատրաստել ավանդական ամանորյա ուտեստներ՝ գաթա, տոլմա և փախլավա։

Իսկ ի՞նչ գույներով զարդարել տոնածառը։

Այս հարցը շատերին է մտատանջում, սակայն առաջին հերթին պետք է հասկանալ, որ ամեն բան կախված է անձնական նախընտրություններից։

Ինչպես արդեն պարզ է գալիս 2025 թվականը Չինական օրացույցով համարվում է Փայտե Օձի տարի և ըստ ֆենշույի ու տարվա խորհրդանիշի՝ տոնածառի զարդարման գույներն ու ոճը կարող են ընտրել խորհրդանշական նշանակություն ունեցող գույներով։

Օրինակ սպիտահ տոնածառը կարելի է զարդարել կանաչ խաղալիքներով, քանի որ այն խորհրդանշում է բարգավաճում, աճ, բնականություն և նոր սկիզբ։

Փայտե տարրի հետ կապված՝ շագանակագույնը խորհրդանշում է կայունություն և վստահություն։ Տարվա խորհրդանիշին համապատասխանող զարդերից կարելի է օգտագործել նաև փայտյա զարդերը, որը նաև օրիգինալ կլինի։

Կարելի է օգտագործել նաև ոսկեգույն կամ դեղին զարդարանքներ, որոնք կբերեն առատություն, հաջողություն և լուսավորություն։

Անզուգական և մշտապես արդի կարմիր գույնը ասոցացվում է տոնական, կրակոտ էներգիայի, երջանկության և հաջողության հետ։ Այս գույնի զարդարանքներով կարելի է ընդգծել տոնականությունը։

Այս գույները ոչ միայն համահունչ են 2025-ի խորհրդանիշներին, այլև ստեղծում են ներդաշնակ, տոնական և հիանալի մթնոլորտ տանը։

2025-ը համարվում է փոփոխությունների, ներդաշնակության և ներքին ուժերի տարին։ Տոնածառի ճիշտ գույները կօգնեն ներգրավել դրական էներգիա և ամրապնդել ձեր մտադրությունները նոր տարում։

Աննա Սրապիոնյան