Բահրեյնի մայրաքաղաք Մանամայում ընթացող ծանրամարտի աշխարհի առաջնությունում դեկտեմբերի 14-ին Հայաստանը կունենա 3 ներկայացուցիչ: Տղամարդկանց 109 կգ քաշայինների պայքարում մրցահարթակ դուրս կգան Եվրոպայի չեմպիոն Գարիկ Կարապետյանը, Եվրոպայի բրոնզե մեդալակիր Պետրոս Պետրոսյանը, կանանց 87 կգ քաշային կարգում՝ Եվրոպայի փոխչեմպիոն Տաթեւ Հակոբյանը:
Առաջինը մրցահարթակ դուրս կգա Պետրոս Պետրոսյանը: Հայաստանի ներկայացուցիչը կպայքարի 109 կգ քաշայինների B խմբում:
Պետրոս Պետրոսյանի մասնակցությամբ 109 կգ քաշայինների B խմբի պայքարը կմեկնարկի Երեւանի ժամանակով 14:00-ին: Պետրոսյանի նախնական հայտը երկամարտում 380 կգ է:
Դեկտեմբերի 14-ին Երեւանի ժամանակով 18:30-ին կմեկնարկի 109 կգ քաշայինների A խմբի պայքարը, որտեղ տիտղոսի համար կպայքարի Գարիկ Կարապետյանը:
Բահրեյնում ընթացող ծանրամարտի աշխարհի առաջնությունում Կարապետյանի նախնական հայտը երկամարտում 400 կգ է:
Մրցումային օրվա Հայաստանի վերջին ներկայացուցիչը Եվրոպայի փոխչեմպիոն Տաթեւ Հակոբյանն է (87 կգ):
Տաթեւ Հակոբյանի մասնակցությամբ 87 կգ քաշայինների պայքարը կմեկնարկի Երեւանի ժամանակով 21:00-ին: Հակոբյանի նախնական հայտը երկամարտում 246 կգ է:
.gif)
