«Ալ-Իթիհադի» ֆրանսիացի ֆուտբոլիստ Կարիմ Բենզեման նշել է նախորդ մրցաշրջանի լավագույն ֆրանսիացի ֆուտբոլիստին։ Ինչպես հայտնում է AS-ը, Բենզեման առաջին տեղում նշել է Մադրիդի «Ռեալի» կիսապաշտպան Էդուարդո Կամավինգային։ Երկրորդ տեղում 36-ամյա հարձակվողի ցուցակում հայտնվել է ՊՍԺ-ի հարձակվող Բրեդլի Բարկոլան։ Երրորդ տեղը զբաղեցրել է ՊՍԺ-ի կիսապաշտպան Ուորեն Զաիր-Էմերին։
Նշենք, որ 2023/2024 մրցաշրջանում 22-ամյա Կամավինգան «սերուցքայինների» կազմում ոչ մի գոլ չի խփել բոլոր մրցաշարերում։ Նույն վիճակագրությունը ֆրանսիացու մոտ պահպանվում է նաև ընթացիկ մրցաշրջանում։ Կամավինգան հանդես է գալիս Մադրիդի «Ռեալում» 2021/2022 մրցաշրջանից։
Կարիմ Բենզեման Ֆրանսիայի հավաքականի կազմում անցկացրել է 97 հանդիպում և խփել 37 գոլ։ Նա Մադրիդի «Ռեալում» հանդես է եկել 2009-2023 թվականներին։
Աղբյուրը՝ Armsport.am:
.gif)
