Լոնդոնի ոստիկանությունը երկրորդ անգամ է ձերբակալել իտալական մաֆիայի պարագլուխներից մեկին, որը մարտին շահել էր դատական գործը` Իտալիային իրեն հանձնելու դեմ, և մնացել մեծ Բրիտանիայում:
Դոմենիկո Ռանկադոռեն կալանքի էր ենթարկվել բիտանական մայրաքաղաքի արվարձանում գտնվող իր տանը` Իտալիայից ստացված նոր հրահանգի հիման վրա:
Ըստ այդ փաստաթղթի՝ Ռանկադոռեն պետք է 7 տարվա ազատազրկման ենթարկվի Սիցիլիայում. տեղեկացնում է BBC-ն:
Իտալացին ուրիշի անվան տակ Լոնդոնում բնակվում է արդեն 20 տարի: 1999-ին Սիցիլիայում նրան հեռակա կարգով դատապարտել են մաֆիայի հետ կապերի համար:
Մարտին Ռանկադոռեն, որին Իտալիայի իրաապահ մարմինները հետախուզում են 1994-ից, շահել էր էքստադիցիայի դեմ դատը այն պատճառաբանությամբ, որ չափից դուրս լցված իտալական բանտերում կարող են խախտվել նրա իրավունքները:
Դատախազությունը մտադիր էր վիճարկել այս որոշումը, սակայն չէր հասցրել ժամանակին նախապատրաստել վիճարկման հայցը:
.gif)
