ՊԵԿ-ը խոշոր բիզնես ունեցող անձանց տուգանել է 109 միլիոն դրամի չափով։ Այս մասին նախօրեին իր անձնական բլոգում հայտնել է տիկտոկեր Էրիկ Շահբազյանը՝ «222 լավա»-ն։
Տիկտոկերն իր խոսքում նշել է, որ վիրավորված է ՊԵԿ-ի այդ քայլից, քանի որ երբ ՊԵԿ-ը հայտարարել է բլոգերների հարկեր վճարելու մասին, նա միացել է այդ համակարգին և վճարել հարկեր։
Ըստ տիկտոկեր «222 լավա»-ի խոսքի՝ նա չունի խոշոր բիզնեսներ, կապ չունի առք ու վաճառքի հետ, միայն մատուցում է գովազդային ծառայություններ։
Հավելենք, որ 109 միլիոն դրամը հավասար է 279 հազար ամերիկյան դոլարի։
Տիկտոկերը նաև վրդովվել է այն հանգամանքից, որ ՊԵԿ-ը տուգանելուց առաջ հաշվի չի առել այն հանգամանքը, որ նա նվերներ էլ է բաժանում քաղաքացիներին, որը կարող էր և չանել։
ArmLur.am-ը փորձեց կապ հաստատել տիկտոկեր Էրիկ Շահբազյանի հետ, սակայն վերջինս անպատասխան թողեց մեր զանգերը։
Նշենք, որ տիկտոկերը սկանդալային կերպար է համարվում և հաճախ է հայտնվում ուշադրության կենտրոնում։ Հիշեցնենք, որ տիկտոկեր Էրիկ Շահբազյանը Հյուսիս-Հարավ ավտոմայրուղում երթևեկել էր ոչ թույլատրելի արագությամբ։ Այն հատվածում, որտեղ վարել և նկարահանել էին տեսանյութը, թույլատրելի արագությունը սահմաված է եղել մինչև 100 կմ/ժ, իսկ բլոգերը վարել է առնվազն 210 կմ/ժ արագությամբ։
Մանրամասները՝ տեսանյութում։
Աննա Սրապիոնյան
.gif)
