Չինաստանի իշխանությունները պատժամիջոցներ են սահմանել ամերիկյան յոթ ընկերությունների նկատմամբ՝ կապված Թայվանի իշխանություններին զենք վաճառելու և ռազմական օգնության հետ, գրում է Global Times-ը։
Պատժամիջոցների ցանկը ներառում է Insitu, Inc., Hudson Technologies Co.-ը, Saronic Technologies Inc-ը.; Raytheon Canada-ն և Raytheon Australia-ն, որոնք Raytheon ռազմարդյունաբերական ընկերության ստորաբաժանումներն են, և Aerkomm Inc. և Oceaneering International Inc.-ը, ինչպես նաև ղեկավարությունը: ՉԺՀ-ի իրավասության տակ գտնվող այս կառույցների և անհատների ողջ ունեցվածքը սառեցված է, իսկ Չինաստանում կազմակերպություններին և անհատներին արգելվում է գործի մեջ մտնել պատժամիջոցների ցուցակում հայտնված անձանց հետ: Պատժամիջոցներն ուժի մեջ են մտել դեկտեմբերի 27-ից։
The Global Times-ը նշում է, որ ԱՄՆ-ի կողմից Թայբեյին զենք վաճառելը խախտում է «մեկ Չինաստանի» սկզբունքը։ Բացի այդ, 2025 ֆինանսական տարվա ԱՄՆ պաշտպանության բյուջեի մի շարք դրույթներ պարունակում են «Չինաստանի վերաբերյալ բացասական բաժիններ»։
Անցյալ շաբաթ Չինաստանը բողոք ներկայացրեց ԱՄՆ-ին՝ Թայվանին ռազմական օգնություն տրամադրելու նախագահ Ջո Բայդենի որոշման կապակցությամբ: Բայդենը հանձնարարել էր Պետքարտուղար Էնթոնի Բլինքենին 571,3 միլիոն դոլար հատկացնել Թայվանին պաշտպանության նախարարության պաշարներից պաշտպանական ապրանքների և ծառայությունների, ինչպես նաև ռազմական կրթության և ուսուցման համար:
.gif)
