Ռուսաստանի ԱԳ նախարար Սերգեյ Լավրովը և Ադրբեջանի արտգործնախարար Ջեյհուն Բայրամովը շաբաթ օրը հեռախոսով քննարկել են Ակտաուի մոտ մարդատար ինքնաթիռի կործանման հետ կապված իրավիճակը և ընդգծել միջադեպի բոլոր պատճառները պարզելու անհրաժեշտությունը, հաղորդում է ՌԴ դիվանագիտական գերատեսչությունը։
Ինչպես ընդգծել են ՌԴ ԱԳՆ-ում, նախարարների զրույցը տեղի է ունեցել երկու երկրների նախագահների շաբաթօրյա զրույցից հետո։
«Հաստատելով նախագահների պայմանավորվածությունները այս ողբերգական միջադեպի առավել մանրակրկիտ հետաքննությունն ապահովելու անհրաժեշտության վերաբերյալ՝ նախարարները խորին ցավակցություն են հայտնել զոհվածների ընտանիքներին, իսկ վիրավորներին մաղթել շուտափույթ ապաքինում։
Ընդգծվել է միջադեպի բոլոր պատճառները պարզելու և հրատապ միջոցներ ձեռնարկելու անհրաժեշտությունը՝ ապագայում նմանատիպ իրավիճակները կանխելու և տեղի ունեցածի բոլոր հանգամանքները հաշվի առնելով վերջնականապես և ամբողջությամբ հանգուցալուծելու համար»,- ասվում է նախարարության կայքի մեկնաբանությունում։
.gif)
