Խորվաթիայի գործող նախագահ Զորան Միլանովիչը նախագահական ընտրությունների առաջին փուլում հավաքել է ձայների 49,1%-ը: Այդ մասին հաղորդում է Associated Press (AP) գործակալությունը:
Իշխող Խորվաթիայի դեմոկրատական միություն կուսակցությունից թեկնածու Դրագան Պրիմորացին պաշտպանել է ընտրողների 19,35%-ը։ Մյուս թեկնածուները հավաքել են ձայների 9%-ը կամ ավելի պակաս:
AP-ն ընդգծում է, որ նախընտրական հարցումները նույնպես վկայել են, որ Միլանովիչն ու Պրիմորացը կհանդիպեն հունվարի 12-ին կայանալիք երկրորդ փուլում, քանի որ նախագահի ութ թեկնածուներից ոչ մեկը չի հավաքի ձայների 50%-ից ավելին։
Միլանովիչը շնորհակալություն է հայտնել իր աջակիցներին՝ հավելելով, որ սա միայն առաջին փուլն էր։
Լրատվամիջոցները հիշեցնում են, որ ավելի վաղ Միլանովիչը քննադատել էր ԵՄ-ին և ՆԱՏՕ-ին՝ Ուկրաինային աջակցելու համար։
.gif)
