Թբիլիսիի քաղաքապետ Կախա Կալաձեն շնորհավորել է հայերի Սուրբ Ծնունդը

Իշխող «Վրացական երազանք – Ժողովրդավարական Վրաստան» կուսակցության գլխավոր քարտուղար և Թբիլիսիի քաղաքապետ Կախա Կալաձեն ֆեյսբուքյան իր էջում շնորհավորել է հայերին Սուրբ Ծննդյան և Աստվածահայտնության կապակցությամբ:

«Շնորհավորում եմ Հայ Առաքելական եկեղեցու ծխական համայնքին Սուրբ Ծննդյան և Աստվածհայտնության կապակցությամբ: Թող այս մեծ տոնի զորությունն ու շնորհը օգնեն ձեր ընտանիքներին: Մաղթում եմ խաղաղություն և բարգավաճում»,- գրել է նա։