ՏԵՍԱՆՅՈՒԹ. Ջալալ Հարությունյանի դատական գործը ավարտական փուլ է մտնում. վճիռ կհրապարակվի

ՊԲ նախկին հրամանատար Ջալալ Հարությանի դատական գործը ավարտական փուլ է մտնում։

ArmLur.am-ի տեղեկություններով՝ հունվարի 15-ին Սյունիքի մարզի դատարանում կայանալու է Ջալալ Հարությունյանի գործով դատական հերթական նիստը, որի ժամանակ հնչելու է պաշտպանական ճառ, այնուհետև՝ դատարանը կհրապարակի վճիռը։

Նշենք, որ Ջալալ Հարությունյանին մեղադրանք է առաջադրվել այն բանի համար, որ նա, զբաղեցնելով Պաշտպանության բանակի հրամանատարի պաշտոնը, կոչումով՝ գեներալ-լեյտենանտ, հանդիսանալով պաշտոնատար անձ՝ հանրային ծառայող, կոչման եւ պաշտոնի բերումով հանդիսանալով հրամանատար՝ ծառայողական դիրքով եւ զինվորական կոչումով, տվյալ իրավահարաբերության շրջանակում ունենալով իր լիազորություններից բխող հրամաններ եւ կարգադրություններ տալու ու դրանց կատարումն ապահովելու իրավասություն, հայտարարված ռազմական դրության ժամանակ՝ 2020թ. հոկտեմբերի 12-ին, ծառայության նկատմամբ դրսեւորել է անփույթ վերաբերմունք, իր ծառայողական պարտականությունների կատարման նկատմամբ անբարեխիղճ եւ անփույթ վերաբերմունքի հետեւանքով դրանք կատարել է ոչ պատշաճ, ինչն անզգուշությամբ առաջացրել է ծանր հետեւանքներ։

Քրիստինա Մուշեղյան