Մազութի բծերը հասել են Եվպատորիայի ափերին

Եվպատորիա քաղաքի ափին մազութով աղտոտված տարածքներ են հայտնաբերվել։ Այդ մասին հայտնել է քաղաքային վարչակազմի ղեկավար Ալեքսանդր Յուրիևը։

Նրա խոսքով՝ կոմունալ ծառայությունները պատրաստ են եղել դրան և օպերատիվ կերպով սկսել են աղտոտված հողերի հավաքումն ու արտանետումների հետևանքների վերացումը:

«Արտանետումները պատահական են: Իրավիճակն անընդհատ փոխվում է՝ կախված քամու ուժգնությունից և ծովի վիճակից»,- հավելել է Յուրիևը։

Նա տեղեկացրել է, որ մազութով ներկված թռչուններին լվանում են և ուղարկում «Թայգան» առյուծների այգի՝ վերականգնման համար։

Հունվարի 5-ին Կերչի նեղուցում մազութի արտահոսքի հետևանքով ավելի քան 30 դելֆին է սատկել։ Մասնագետները պարզաբանել են, որ Volgoneft-212 և Volgoneft-239 լցանավերի հետ կապված արտակարգ իրավիճակից ի վեր՝ Սև ծովում գրանցվել է կետաձկների 61 անկման դեպք, որոնց մահը կապված է նավթի արտահոսքի հետ։