Զարուհի Փոստանջյանի նկատմամբ տուգանք է կիրառվել

Այսօր Երևան քաղաքի առաջին ատյանի ընդհանուր իրավասության քրեական դատարանում կայացել է «Երկիր Ծիրանի» կուսակցության նախագահ Զարուհի Փոստանջյանի գործով դատական նիստը։

Վերջինիս նկատմամբ դատարանը տուգանք է կիրառել՝ նվազագույն աշխատավարձի յոթապատիկի՝ 525 հազար դրամի չափով։

«Դատարանը վճռեց Զարուհի Փոստանջյանին մեղավոր ճանաչել ՀՀ Քրեական օրենսգրքի 507-րդ հոդվածի առաջին մասով նախատեսված հանցագործության կատարման մեջ և նրա նկատմամբ կիրառել տուգանք՝ նվազագույն աշխատավարձի յոթապատիկի՝ 525 հազար դրամի չափով»,-հայտնեց դատավոր Տիգրան Ոսկանյանը։

Հիշեցնենք, որ Զարուհի Փոստանջյանը մեղադրվում էր Նիկոլ Փաշինյանին գործակալ անվանելու մեջ։

Քրիստինա Մուշեղյան