Այսօր Արմավիրի մարզի Փարաքար համայնքում մեկնարկած նախնական ընտրությունների վերջին օրն էր։
Առավելագույն՝ 594 ձայն ստացավ Լյուդվիգ Գյուլնազարյանը՝ դառնալով համայնքապետի ժամանակավոր պաշտոնակատար։ Նա արտահերթ ընտրություններում կգլխավորի իշխող ՔՊ-ի ցուցակը։
Հիշեցնենք, որ Փարաքարի փրայմերիզին մասնակցել է 6 թեկնածու, այդ թվում՝ քրեական սկանդալի կենտրոնում հայտնվելուց հետո համայնքապետի պաշտոնից հրաժարված Լյուդվիգ Գյուլնազարյանը, համայնքապետի նախկին տեղակալ Գոռ Սարիբեկյանը, Արփինե Առաքելյանը, որը նախկինում ևս աշխատել է Փարաքարի համայնքապետարանում, և Կարեն Երեմյանը, որը Շրջակա միջավայրի նախարարության աշխատակից է։
Փարաքարի նախնական ընտրությունների մասնակից թեկնածուներից էին նաև Մհեր Հարությունյանը և Արման Մնացականյանը։
Ինչպես Նիկոլ Փաշինյանը հայտարարել էր, առաջադրված թեկնածուն պետք է լինի «Քաղաքացիական պայմանագիր» կուսակցության անդամ կամ համախոհ կամ համակիր։
Հիշեցնենք, որ նախկին ՔՊ-ական համայնքապետ Լյուդվիգ Գյուլնազարյանը նոյեմբերին հրաժարական էր ներկայացրել կրիմինալ պատմության մեջ հայտնվելու պատճառով։
Նոյեմբերի 16-ին կրակոցներ էին հնչել Երևանի Նազարբեկյան 15/6 հասցեում, ինչի հետևանքով մահացել էր Երևանի բնակիչ Արթուր Մանուկյանը։ Սպանության վայրում ներկա էր եղել նաև ՔՊ-ական համայնքապետ Լյուդվիգ Գյուլնազարյանը:
.gif)
