Փրկարարներն արգելափակումից դուրս են բերել ավտոմեքենաները

Հունվարի 14-15-ը ՆԳՆ ՓԾ Կոտայքի, Արագածոտնի և Գեղարքունիքի մարզային փրկարարական վարչությունների ճգնաժամային կառավարման կենտրոններ ահազանգեր են ստացվել արգելափակված ավտոմեքենաների վերաբերյալ։

Մասնավորապես՝ Հրազդան, Չարենցավան քաղաքներում, Միրաք, Շղարշիկ, Ծաղկահովիտ գյուղերում, Վարդենյաց լեռնանցքում, Բյուրականից «Ամբերդ ամրոց» տանող և Քուչակ-Եղիպատրուշ ավտոճանապարհներին:

Դեպքի վայր ժամանած փրկարարներն արգելափակումից դուրս են բերել 9 ավտոմեքենա և 16 քաղաքացու ցուցաբերել համապատասխան օգնություն։