59 հազար քաղաքացի հայտարարագիր է ներկայացրել․ ինչպես պետք է այն լրացնել

Ֆիզիկական անձինք 2024 թվականի հաշվետու տարվա համար հայտարարագրերը ներկայացնելու են մինչև 2025 թվականի մայիսի 1-ը ներառյալ։

2024 թվականի հաշվետու տարվա համար եկամտային հարկի տարեկան հաշվարկ-հայտարարագիր պետք է ներկայացնեն ինչպես նախորդ տարվա՝ 2023 թվականի հաշվետու տարվա համար հայտարարագիր ներկայացնողները, այնպես էլ Հայաստանի Հանրապետության ռեզիդենտ հանդիսացող Հայաստանի Հանրապետության քաղաքացիների նոր խմբեր․

• 2024 թվականի ընթացքում վարձու աշխատող համարված ՀՀ քաղաքացիները։
• 2024 թվականի ընթացքում քաղաքացիաիրավական պայմանագրերի շրջանակում հարկվող եկամուտ ստացած ՀՀ քաղաքացիները։
• 2024 թվականի դեկտեմբերի 31-ի դրությամբ՝ «Հանրային ծառայության մասին» ՀՀ օրենքով սահմանված պետական և համայնքային ծառայողները, հանրային պաշտոններ զբաղեցնող ՀՀ քաղաքացիները։
• 2023 թվականի արդյունքներով 1 մլրդ դրամ և ավելի համախառն եկամուտ հայտարարագրած ՀՀ ռեզիդենտ առևտրային կազմակերպությունների՝ 2024 թվականի դեկտեմբերի 31-ի դրությամբ մասնակից (բաժնետեր, փայատեր, անդամ) հանդիսացող ՀՀ քաղաքացիները։

Հայտարարագիր ներկայացնելու համար անհրաժեշտ է ձեռք բերել ID նույնականացման քարտ։ Ստանալուց հետո մոտենում եք ձեր հեռախոսահամարի օպերատորի գրասենյակ՝ Viva, Ucom, Team և այլն։ Իրենց օգնությամբ ստանում եք էլեկտրոնային ստորագրություն՝ mID։

Այնուհետև, անհրաժեշտ է մոտենալ այն բանկեր, որոնց միջոցով անհրաժեշտ է ստանալ ձեր աշխատանքի վարձատրության կամ փոխանցումների քաղվածքները, որտեղ կերևա 2024 թվականի հունվարի 1-ից մինչև 2024 թվականի դեկտեմբերի 31-ի ֆինանսական շարժը:

Բոլոր անհրաժեշտ փաստաթղթերը հավաքելուց հետո, Պետական եկամուտների կոմիտեի կայքի միջոցով կամ հեռախոսային ծրագիրը ներբեռնելու միջոցով սկսում եք լրացնել անհրաժեշտ տվյալները:

Լրացնելիս կհանդիպեք 2 դաշտերի՝ հարկվող եկամուտներ և չհարկվող եկամուտներ: