Հայտարարագրման համակարգը պետք է չեղարկվի, հարցի լուծման համար նախաձեռնում ենք ստորագրահավաք. Մեսրոպ Առաքելյան

Հայտարարագրման համակարգը պետք է չեղարկվի. Ֆեյսբուքյան իր էջում գրել է «Ապրելու երկիր» կուսակցության համահիմնադիր Մեսրոպ Առաքելյանը։

«Սիրելի՛ հայրենակիցներ,

Իշխանությունների կողմից ժողովրդին ծաղրող հերթական քայլը՝ եկամուտների համատարած հայտարարագրումը շատ լուրջ խնդիրներ է առաջացնելու քաղաքացիների համար։

Այս տարվա համար հայտարարագիր պետք է լրացնի մոտ 2.600.000 քաղաքացի։

Խայտառակ համակարգի խնդիրներին առաջիկայում մանրամասն կանդրադառնամ։ Սակայն, հարցի լուծումը մեկն է՝ Հայաստանի Հանրապետությունում պետք է չեղարկվի եկամուտների համատարած հայտարարագրումը։

Հետևաբար, հարցի լուծման համար նախաձեռնում ենք ստորագրահավաք՝ Հարկային օրենսգրքի այդ դրույթները չեղարկելու նպատակով (Օրենքի փոփոխություն ԱԺ-ում կամ հանրաքվե)»,-գրել է նա։