Եվրախորհրդարանի անդամները Բելառուսի վերաբերյալ բանաձևով մտադիր են կոչ անել ԵՄ երկրներին չճանաչել Բելառուսի նախագահական ընտրությունների արդյունքները, ինչպես նաև շարունակել ընդլայնել պատժամիջոցներն այդ երկրի դեմ։ Այդ մասին ասված է Եվրախորհրդարանի կայքում հրապարակված փաստաթղթի նախագծում։
Արտաքին քաղաքականության հարցերի վերաբերյալ Եվրախորհրդարանի բանաձևերը խորհրդատվական բնույթ ունեն և պարտադիր չեն Եվրամիության ինստիտուտների կամ ԵՄ անդամ երկրների համար: Հունվարի 22-ին սպասվում են հակաբելառուսական բանաձևի քննարկումներն ու քվեարկությունը։
«Եվրախորհրդարանը դատապարտում է Բելառուսում նախագահական ընտրությունների նախաշեմին ազատության, արդարության և թափանցիկության բացակայությունը և կոչ է անում ԵՄ-ին, նրա անդամ երկրներին և միջազգային հանրությանը կտրականապես մերժել գալիք ընտրություններն ու նախընտրական քարոզարշավը՝ որպես կեղծիք, քանի որ դրանք չեն համապատասխանում ժողովրդավարական ընտրությունների նվազագույն միջազգային չափանիշներին։ Եվրախորհրդարանը կոչ է անում ԵՄ-ին, նրա անդամ երկրներին և միջազգային հանրությանը շարունակել չճանաչել Ալեքսանդր Լուկաշենկոյի՝ որպես նախագահի լեգիտիմությունը 2025 թվականի հունվարի 26-ից հետո, ինչպես նաև կոչ է անում Բելառուսում ազատ և արդար ընտրություններ անցկացնել»,- ասված է փաստաթղթի նախագծում։
.gif)
