ՏԵՍԱՆՅՈՒԹ․ Ստամբուլում գործող մասնավոր հայկական վարժարանի վրա զինված հարձակում է տեղի ունեցել

Հունվարի 22֊ին զինված հարձակում է տեղի ունեցել Ստամբուլի Բաքըրքյոյ թաղամասում գործող մասնավոր Դադյան հայկական վարժարանի վրա։ Այս մասին հայտնում է sondakika.com֊ը։

Զինված հարձակման գործով երկու կասկածյալ է բերման ենթարկվել։ Բերման ենթարկված կասկածյալներից մեկի տնից ապօրինի ատրճանակ և 14 պարկուճ է առգրավվել։ Տեղեկության համաձայն՝ բերման ենթարկվածներից մեկն ազատ է արձակվել, իսկ մյուսի գործն ուղարկվել է դատարան։

Զինված հարձակման հետևանքով կոտրվել են վարժարանի ապակիները, իսկ պատերին՝ փամփուշտի հետքեր են մնացել։