Այսօր Խորհրդարանում մեկնարկել է Հայաստանի՝ ԵՄ անդամակցության հարցով արտախորհրդարանական ուժերի նախաձեռնության քննարկումը:
«Եվրոպական միությանը Հայաստանի Հանրապետության անդամակցության գործընթացի մեկնարկի մասին» օրենքի նախագիծը քննարկվում է ԱԺ Եվրոպական ինտեգրման հարցերի մշտական հանձնաժողովի նիստում:
Ներկա են ԱԺ ՔՊ խմբակցության պատգամավորները, «Հայաստան» խմբակցությունից Արմեն Գեւորգյանը եւ Էլինար Վարդանյանը:
«Հանրապետություն» կուսակցության ներկայացուցիչ Արտակ Զեյնալյանը նախագծի հիմնական զեկուցողն է, ներկա են նաեւ Հայաստանի «Եվրոպական» կուսակցության նախագահ Տիգրան Խզմալյանը, «Հանուն Հանրապետության» կուսակցության ղեկավար Արման Բաբաջանյանը, Ռուբեն Մեհրաբյանը եւ քաղհասարակության ներկայացուցիչներ:
ԱԺ Եվրոպական ինտեգրման հարցերի մշտական հանձնաժողովի նախագահ Արման Եղոյանն ասաց, որ «Եվրոպական միությանը Հայաստանի Հանրապետության անդամակցության գործընթացի մեկնարկի մասին» օրենքի նախագիծը կընդգրկվի հաջորդ քառօրյա նիստերի օրակարգում։
«Հայաստան» խմբակցության պատգամավոր Արմեն Գեւորգյանը հարց ուղղեց ՀՀ ԱԳ նախարարի տեղակալ Պարույր Հովհաննիսյանին՝ հասկանալու, արդյո՞ք ՀՀ-ի՝ ԵՄ անդամակցության վերաբերյալ Ռուսաստանի Դաշնության փոխվարչապետ Ալեքսեյ Օվերչուկի գնահատականները քննարկել է նրա հետ։
ArmLur.am-ը թեմայի վերաբերյալ զրուցել է «Հանուն Հանրապետության» կուսակցության փոխնախագահ Ռուբեն Մեհրաբյանի հետ։
Մանրամասները՝ տեսանյութում։
Քրիստինա Մուշեղյան, Հովսեփ Հովսեփյան
.gif)
