Ամերիկայի Միացյալ Նահանգների նախագահ Դոնալդ Թրամփը հաստատել է ֆինանսների նախարար Սքոթ Բեսենտի այցը Ուկրաինա մոտ ապագայում։ Այս մասին հայտնում է РБК- Украина-ն՝ հղում կատարելով Թրամփի X-ի հրապարակմանը։
Թրամփի խոսքով՝ Ուկրաինա այցի ընթացքում Բեսենտը կհանդիպի նախագահ Վլադիմիր Զելենսկու հետ։
«Այս պատերազմը պետք է և շուտով կավարտվի. չափազանց շատ մահեր և ավերածություններ եղան։ ԱՄՆ-ը միլիարդավոր դոլարներ է ծախսել ամբողջ աշխարհում՝ չնչին արդյունքներով: Երբ Ամերիկան ուժեղ է, աշխարհը խաղաղության մեջ է»,- գրել է Թրամփը:
Ինչպես հայտնում է Bloomberg-ը, Բեսենտը մտադիր է այս շաբաթ այցելել Ուկրաինա՝ նախնական բանակցությունների շրջանակներում՝ հազվագյուտ մետաղների հետ կապված։:
Ավելի վաղ Թրամփը հայտարարել էր, որ Վաշինգտոնը հետաքրքրված է ուկրաինական հազվագյուտ մետաղներով։ Նրա խոսքով՝ ԱՄՆ-ն դեմ չէ Ուկրաինայի հետ զենքի մատակարարման դիմաց հազվագյուտ մետաղներ և այլ ռեսուրսներ ձեռք բերելու գործարքին։
Դրան Զելենսկին պատասխանել է, որ Ուկրաինան բաց է ԱՄՆ-ի առաջարկների համար։
.gif)
