Պետքարտուղար Մարկո Ռուբիոն փետրվարի 25-ին զրուցել է Իրաքի վարչապետ Մուհամեդ Շիա ալ-Սուդանիի հետ։ Դրա մասին ասված է ԱՄՆ Պետքարտուղարության մամուլի քարտուղար Թեմմի Բրյուսի հայտարարության մեջ։
«Պետքարտուղարը և վարչապետ Սուդանին քննարկել են Միացյալ Նահանգների և Իրաքի ռազմավարական գործընկերությունը և Իրաքի կայունության և ինքնիշխանության կարևորությունը։ Պետքարտուղարը և վարչապետը քննարկել են նաև Իրանի կործանարար ազդեցության նվազեցման և ԴԱԻՇ-ի վերածնունդը և ամբողջ տարածաշրջանի ապակայունացումը կանխելուն ուղղված ջանքերի շարունակականությունը:
Նրանք համաձայնել են Իրաքի էներգետիկ անկախության, Իրաք-Թուրքիա խողովակաշարի շինարարության արագ վերսկսման և ԱՄՆ-ի համար պայմանագրի պայմանների կատարման անհրաժեշտության մասին։ Իրաքում գործող ընկերությունները ձգտում են լրացուցիչ ներդրումներ ներգրավել:
Պետքարտուղարը վերահաստատել է, որ կարևոր է ապահովել, որ Սիրիան ահաբեկչության ապահով ապաստան չդառնա կամ սպառնալիք չլինի իր հարևանների համար: Պետքարտուղարը և վարչապետը պարտավորվել են շարունակել խորհրդակցությունները տարածաշրջանի խնդիրների շուրջ և առաջ մղել ԱՄՆ-Իրաք անվտանգության գործընկերությունը»,- ասված է գերատեսչության հաղորդագրության մեջ:
.gif)
