Իգոր Տիտովը նշանակվել է Գյումրիում Ռուսաստանի նոր գլխավոր հյուպատոս

Իգոր Տիտովը դարձել է Ռուսաստանի նոր գլխավոր հյուպատոսը Գյումրիում։ Այս մասին ասված է ՌԴ ԱԳՆ հաղորդագրության մեջ։

«Ռուսաստանի արտաքին գործերի նախարարի հրամանով Իգոր Բորիսի Տիտովը Հայաստանի Հանրապետության Գյումրի քաղաքում նշանակվել է ՌԴ գլխավոր հյուպատոս։

2024-2025 թվականներին նա ղեկավարել է Կապանում ՌԴ գլխավոր հյուպատոսության բացման առաջնային խումբը»,- ասված է հաղորդագրությունում։

2024 թվականի նոյեմբերին Հայաստանում Ռուսաստանի դեսպանությունը հայտնել էր, որ մահացել է Գյումրիում Ռուսաստանի գլխավոր հյուպատոս Ռուսլան Կանդաուրովը։