ԱՄՆ կոնգրեսականն առաջարկել է շրջանառության մեջ Թրամփի դեմքով թղթադրամ դնել

Հարավային Կարոլինայի հանրապետական ​​կոնգրեսական Ջո Ուիլսոնն առաջարկել է ԱՄՆ նախագահ Դոնալդ Թրամփի դեմքով 250 դոլարանոց թղթադրամ ներմուծել։

«Ուրախ եմ տեղեկացնել, որ օրենսդրության նախագիծ եմ մշակում, որը  Փորագրության և տպագրության բյուրոյին կուղղորդի 250 դոլարանոց թղթադրամ ստեղծել՝ Դոնալդ Թրամփի պատկերով: Բայդենֆլյացիան ոչնչացրեց տնտեսությունը՝ ստիպելով ամերիկյան ընտանիքներին ավելի շատ կանխիկ գումար ունենալ իրենց հետ: Ամենաթանկարժեք օրինագիծն ամենաթանկ նախագահի համար», – գրել է Ջո Ուիլսոնն X-ում։

2024 թվականի հունիսին ներկայացուցիչ Փոլ Գոսարը (Ռ-Արիզ.) օրինագիծ ներկայացրեց 500 դոլարանոց թղթադրամ ստեղծելու մասին, որում պատկերված կլիներ Դոնալդ Թրամփը, որն այն ժամանակ Միացյալ Նահանգների նախկին նախագահն էր:

ԱՄՆ-ում թղթադրամների և մետաղադրամների վրա կենդանի մարդկանց պատկերելու արգելք կա, որը հաստատվել է ԱՄՆ Կոնգրեսի կողմից դեռևս 1866 թվականին։