«Ժառանգություն» կուսակցության ղեկավար Րաֆֆի Հովհաննիսյանը, այսօր խոսելով վարչապետի հրաժարականի մասին, ասաց, որ եթե չլիներ քաղաքական ուժերի, քաղաքացիական հոսանքերի պահանջը ՝ այդ հրաժարականը չէր լինի:
«Չեմ կարծում, որ դա նախապես որոշված էր: Հաջողություն եմ մաղթում նախկին վարչապետին: Հաջորդը կլինի ոչ լեգիտիմ վարչակարգի ներկայացուցիչ»,- հայտարարեց Հովհաննիսյանը:
Ըստ նրա` եթե համախմբվենք, ապա կկարողանանք ամբողջական իշխանափոխության պահանջը ի կատար ածել:
Ինչ վերաբերում է քաղաքական ուժերի համագործակցությանը, ապա ինքը պատրաստ է հանդիպել Լևոն Տեր-Պետրոսյանի, Ծառուկյանի, Մարգարյանի ու արտախորհրդարանական ուժերի հետ, եթե ուզում են իշխանությունը վերադարձնել ժողովրդին:
Արդյո՞ք «Ժառանգությունը» ցանկանում է լինել նոր կառավարության մասը:
«Այս իշխանության ներքո «Ժառանգությունից» որևէ մեկը չի լինի այս կառավարության կազմում: Մենք գործարքի չենք մտնում ոչ մեկի հետ»,- եզրափակեց Հովհաննիսյանը:
.gif)
