Կանադան մտադիր է մեծացնել ռազմական ներկայությունը Արկտիկայի տարածաշրջանում

Կանադայի պաշտպանության նախարարությունը հայտարարել է Արկտիկայում ռազմական ներկայության ավելացման մասին։ Այս մասին հաղորդում է երկրի պաշտպանության նախարարության մամուլի ծառայությունը։

«Այսօր Ազգային պաշտպանության նախարար Բիլ Բլերը հայտարարել է Iqaluit-ը, Inuvik-ը և Yellowknife-ը որպես Հյուսիսային օպերատիվ աջակցության կենտրոնների տեղակայման վայրեր: Դա կբարձրացնի Կանադայի զինված ուժերի ներկայությունն ու արձագանքողությունը Արկտիկայում և հյուսիսում», – ասվում է հայտարարության մեջ:

Նշվում է, որ պաշտպանության նորացված հայեցակարգի շրջանակներում Կանադան 20 տարվա ընթացքում 2,67 միլիարդ կանադական դոլար կներդնի «հյուսիսային օպերատիվ աջակցության կենտրոնների ցանց ստեղծելու համար»։

«Այդ կենտրոնները, որոնք բաղկացած են օդանավերից, նյութատեխնիկական միջոցներից և սարքավորումներից, հնարավորություն կտան Կանադայի զինված ուժերին ավելի արդյունավետ կերպով պաշտպանել Կանադայի ինքնիշխանությունը և աջակցել ամբողջ տարվա ընթացքում ավելացող ներկայությանը», – ավելացրել է վարչությունը:

Նշվում է, որ նախաձեռնությունը «ներկայացնում է Արկտիկայում և հյուսիսում պաշտպանության և դիմադրողականության նոր մոտեցումը», ինչպես նաև կօգնի ապահովել կանադացիների անվտանգությունը ֆիզիկական և անվտանգության միջավայրի կտրուկ փոփոխությունների դեպքում:

Փետրվարին Կանադայի Պահպանողական կուսակցության առաջնորդ Պիեռ Պոլյևրը խոստացավ ստեղծել երկրի առաջին մշտական արկտիկական ռազմաբազան Իկալուիտում Սառը պատերազմից հետո: Նա նշել է, որ այս բազայի ստեղծման համար կվճարվի Կանադայի կողմից տրամադրվող օտարերկրյա օգնության կրճատմամբ։ Նա նաև հայտարարեց երկրի նավատորմի և առափնյա պահպանության համար ծանր ռազմական տեխնիկա գնելու և Արկտիկայում Ռեյնջերների (կանադական ռազմական ռեզերվի մի տեսակ) թիվը կրկնապատկելու պլանների մասին:

Ավելի վաղ ԱՄՆ նախագահ Դոնալդ Թրամփը քննադատել էր Կանադային պաշտպանության վրա բավարար ծախսեր չկատարելու համար՝ ասելով, որ այն համարում է «անկենսունակ» երկիր։