Վրաստանի խորհրդարանի նախագահ Շալվա Պապուաշվիլին հանդիպել է Ադրբեջանի Միլլի Մեջլիսի նախագահ Սահիբա Գաֆարովայի հետ։ Այս մասին հայտնում է Վրաստանի Առաջին ալիքը՝ երկրի խորհրդարանի մամուլի կենտրոնին հղումով։
Հանդիպմանը քննարկվել է նաև երկու երկրների միջև բարձր մակարդակի այցերի հաճախականությունը։ Դրական են գնահատվել երկու երկրների օրենսդիր մարմինների կապերը՝ ինչպես նախագահների, այնպես էլ ոլորտային հանձնաժողովների մակարդակով։ Նշվել է փոխըմբռնման հուշագրի կարևորությունը համագործակցության հետագա զարգացման համար։
Կողմերը քննարկել են նաև հարավկովկասյան տարածաշրջանում տիրող իրավիճակը և ընդգծել բարիդրացիական հարաբերությունների, խաղաղության և անվտանգության կարևորությունը։ Նշվել է ռազմավարական նշանակության տարածաշրջանային նախագծերի իրականացման ուղղությամբ աշխատելու պատրաստակամությունը։
.gif)
