Եվրամիությունը մտադիր է ավելացնել արտաքսումների քանակը և ճանապարհ բացել երրորդ երկրներում մերժված ապաստան հայցողների համար «վերադարձի կենտրոններ» ստեղծելու ուղղությամբ՝ ըստ երեքշաբթի հրապարակված միգրացիոն նոր առաջարկի, հաղորդում է Associated Press-ը:
Եվրահանձնաժողովի տվյալներով, որը ներկայացրել է «Վերադարձի եվրոպական համակարգը» որպես հնարավոր լուծում, վերադարձի թույլտվություն ստացած մարդկանց միայն 20%-ն է իրականում վտարվում ԵՄ տարածքից։
Առաջարկը նպատակ ունի Եվրամիության բոլոր 27 անդամների համար չափորոշիչ սահմանել և մի երկրի ազգային իշխանություններին թույլ տալ կատարել մեկ այլ երկրի արտաքսման հրամանը:
Նման կանոնները բացակայում էին անցյալ տարի հաստատված միգրացիայի և ապաստանի հարցով ԵՄ համաձայնագրից:
«Եվրոպական համակարգի համար պետք է հստակ լինի, որ երբ ինչ-որ մեկին վերադարձի որոշում է հանձնվում, նրան հրամայվում է լքել ոչ միայն երկիրը, այլև ամբողջ Եվրամիությունը»,- հայտարարել է ԵՄ միգրացիայի հարցերով հանձնակատար Մագնուս Բրունները, ով արտաքսման ներկայիս 20%-ն անընդունելի է անվանել:
«Ցանկացած ցուցանիշ բարելավում կլիներ, բայց մենք կոնկրետ թվեր չենք ուզում հնչեցնել»,- հավելել է նա։
Սակայն, որպեսզի առաջարկը գործի, ԵՄ-ն պետք է ծագման երկրներին ստիպի հետ ընդունել իրենց քաղաքացիներին: Բրունները խոստովանել է, որ Հանձնաժողովը և անդամ երկրները դեռ աշխատում են դրա բարելավման ուղղությամբ:
.gif)
