Թբիլիսիի դատարանը Վրաստանի նախկին նախագահ Միխեիլ Սաակաշվիլիին դատապարտել է 9 տարվա ազատազրկման՝ պետական միջոցների յուրացման գործով: Այս մասին հայտնում է տեղական հեռուստատեսությունը։
Մեղադրող կողմը պնդում է, որ իր նախագահության տարիներին Սաակաշվիլին պետական միջոցներով գնել է բաճկոններ և վերարկուներ, վճարել որդու ուսման ծախսերը և կատարել կոսմետիկ պրոցեդուրաներ։
Հիշեցնենք, որ Սաակաշվիլիին պետական միջոցների զեղծարարության մեղադրանք է առաջադրվել 2014 թվականին: Գլխավոր դատախազության տվյալներով ավելի քան 3,2 մլն դոլար ծախսվել է 2009-2012 թվականներին քաղաքական գործչի անձնական կարիքների համար, մասնավորապես՝ «օտարերկրացի խոհարարների, մերսողների, կոսմետոլոգների և դիզայների ծառայությունների համար»։
Հիշեցնենք, որ Միխեիլ Սաակաշվիլին վրացի քաղաքական գործիչ է, ով եղել է Վրաստանի նախագահը 2004-2013 թվականներին։
Մանրամասները՝ տեսանյութում։
Էմմա Միքայելյան
.gif)
