Կառավարությունն այսօր չզեկուցվող հարցերի շարքում ընդունել է որոշում, համաձայն որի՝ մարտի 21-31-ը Թուրքիայի հետ սահմանի «Մարգարա» անցակետը բացվում է՝ այդ երկրի տարածքով հումանիտար բեռներ Սիրիա ուղարկելու համար։
«Հայաստանի Հանրապետության և Սիրիայի Արաբական Հանրապետության համապատասխան գերատեսչությունների ներկայացուցիչների աշխատանքային հանդիպումների արդյունքում պայմանավորվածություն է ձեռք բերվել քննարկել նաև Հայաստանի կողմից Սիրիային հումանիտար աջակցություն ցուցաբերելու հարցը:
Որոշման նախագծի ընդունումը պայմանավորված է Հայաստանի Հանրապետության անունից Սիրիայի Արաբական Հանրապետություն ուղարկվելիք, մարդասիրական օգնության համար նախատեսված բեռները Թուրքիայի տարածքով, ցամաքային ճանապարհով տեղափոխելու անհրաժեշտությամբ»,- նշված է որոշման մեջ։
Հիշեցնենք, որ թուրք լրագրողների համար ՀՀ-ում կազմակերպված էր եռօրյա մեդիատուր, որի շրջանակներում մարտի 13-ին լրագրողներն այցելել են Հայաստան-Թուրքիա պետական սահմանի «Մարգարա» անցակետ, ինչը իհարկե շարժել է բոլորի զայրույթը։
Հավելենք նաև, որ 2022 թվականի ամռանը անցման կետը կառավարության որոշմամբ հիմնանորոգվեց, և այնտեղ սկսվեց իրականացվել մշտական ծառայություն՝ ՌԴ Սահմանապահ զորքերի ուժերով։
Վերջում նշենք, որ հայկական կողմը Մարգարայի անցակետը վերակառուցել է շուրջ 1 միլիարդ դրամով, որը կազմում է 2․553․824 ԱՄՆ դոլար։
Աննա Սրապիոնյան
Մարամասները՝ տեսանյութում․
.gif)
